8間觀塘Party Room 2人都玩得，情侶/朋友休閒度過2人時光！

觀塘Party Room雖多，但唔係每間都接受2人訂場。今次，Tripezly會分享8間提供2人預訂的觀塘Party Room，適合情侶過2人世界，或朋友2人聚會。

這些觀塘2人Party Room除咗設施齊全，租借場地的價錢也相當實惠，最低只需每人每小時$18就可以訂場！經Tripezly預訂觀塘party room還會有特別優惠，平上加平！

觀塘有過百間Party Room，場地主題多變，有浪漫、溫馨、日系風格等。小至200呎，大至1000呎都有適合2人的場地，視乎個人喜好以及用途都有唔同的Party Room選擇。即刻睇下觀塘有邊啲2人Party Room推介！

觀塘2人Party Room推介

8間好玩的觀塘2人Party Room推介：

• Earth village partyroom kt：新開的浪漫溫馨風格觀塘2人Party Room
• 21314_Partyroom：波西米亞及家居風齊嘢玩
• Magic.Pill：日式家居風有獨立超chill睇戲房
• The Gatheroom：和洋式簡約風格可打邊爐場地
• Misty Party：隔音效果好的600呎2人Party Room
• Butter Party：少女主題Party Room多個夢幻佈景打卡一流
• 0208.Party：最多適合2人玩的娛樂設備
• SMART ONE Party Room：24小時開放200呎唱K打麻雀場地

Earth village partyroom kt

Earth village partyroom kt係新開的觀塘2人Party Room，專為情侶而設，場地150呎對於2個人來說啱啱好，而且佈置裝飾既浪漫又溫馨，啱嗮情侶拍拖搵地方過2人世界！

場地雖然唔大，但2個人去玩都夠嗮，得2個人嘅話可以坐在軟綿綿嘅地氈上唱K、影下靚相。如果人多少少，仲可以打麻雀、玩Board Games。場地細少少仲有個好處就係可以玩得埋啲，至少唔會因為個場太大而覺得有距離感！

仲係學生嘅你想搵地方拍拖可以去呢間新淨又靚嘅觀塘2人Party Room，只要出示學生證就可以每小時減$10，再加埋Tripezly嘅獨家訂場優惠額外俾你玩多一個鐘，平上加平，非常抵玩。

21314 Partyroom

21314 Partyroom混搭波西米亞及家居風格，場地500呎，對2人來說很寬敞。呢間Party Room有齊平時會玩開嘅設備，例如唱K、打機、麻雀、Board Game、睇戲，仲有個小小打卡位，配合燈飾同佈置，玩落夠自在舒適。

佢哋有梳化同地氈，玩唔同嘢的時候可以坐唔同地方，如果同幾個朋友一齊去玩，坐在地墊上圍圈玩board game、poker超有氣氛，而唱K打機嘅時候坐在梳化夠嗮舒服。

想搵一間唔係特別大，但齊嘢玩又舒適的觀塘2人Party Room，呢間就最啱你，佢哋有早鳥優惠同貓頭鷹優惠，搵多幾個朋友去玩仲可以有9折優惠！

Magic.Pill

Magic.Pill場地400呎，有一房一廳，唔但止有齊唱K、麻雀、Switch、PS4、Board Game等基本玩樂，而且場地係日系家居風，地板仲係榻榻米設計，配合燈光同佈置，玩落嘅氣氛比較溫馨舒適。

除咗大廳有得嘢玩，Party Room仲有一間房仔，只要打開窗簾就可以見到房間，裡面有部4K投影機，可以連接Youtube、Netflix、Disneyplus，情侶2個人坐低一齊睇戲超愜意。另外場地係Pet Friendly，如果有寵物嘅話，仲可以帶埋一齊去玩！

場主仲可以代訂到會同埋酒水，玩到攰嘅時候，可以休息下食個嘢再繼續，而且場地係24小時營業，唔使怕想玩嘅時候冇地方去！

The Gatheroom

The Gatheroom場地600呎，場地非常闊落，價格亦很實惠。呢間Party Room以和洋式簡約風設計作為主題，具有日式和西式的風格。場地咁大，娛樂亦當然唔少，除咗唱K麻雀打機之外，亦有多個打卡位，仲可以打邊爐，無論係2人還是朋友聚會都很適合！

既然個場咁大，2個人玩到悶嘅時候，最啱就係叫埋朋友上埋去Party Room打機玩Board Game，仲有Poker、Beer Pong可以助興！佢哋仲係寵物友善Party Room，帶埋寵物去玩都無問題！

場內仲有零食售賣，玩到一半唔使驚冇零食助興，場主仲可以代訂酒水，咁就唔需要走上走落去買嘢食嘢飲，可以喺Party Room裡面玩到盡！而家經tripezly訂場仲會加送額外1小時遊玩時間，等你可以盡情玩個夠！

Misty Party

Misty Party鄰近觀塘地鐵站，場地主打日常家居風，600呎嘅空間不大不小，2個人去玩絕對綽綽有餘。呢間Party Room嘅隔音效果在2人Party Room裡面算數一數二好，即使玩得太大聲都唔使怕嘈到左鄰右舍。

全場可以分為唱K區同打機區，2個人有多啲空間走動之餘，即使一大班朋友上去玩都唔怕啲聲混雜埋一齊。場內設備都好齊全，有齊唱K、Switch、PS4、麻雀、Board Games等多種娛樂，無論人多人少都有嘢玩！

無論平日定放假，朝早定夜晚，呢間Party Room都會有唔同優惠，低至每人每小時$22，經Tripezly訂場仲可以再折多5%優惠，即刻2個人去又平又大嘅Party Room玩啦！

Butter Party

Butter Party主打少女風主題，400呎場地有多個夢幻佈景打卡位同埋靚靚影相道具，仲有對鏡打卡corner可以影相，超級IG-able，最啱女仔去玩。

場地亦唔少卡拉OK、Switch、Board games等基本玩樂，仲有小型氣墊球及其他玩具，多款娛樂絕對唔會悶場。而且有4K投影大螢幕，睇電影超級正！

佢哋的貓頭鷹時段最抵玩，低至$20每小時！2人預約場地只要Follow同share佢哋IG就可以免費玩多1個鐘，仲包任飲無酒精飲品及限量零食，想影相打卡玩通宵嘅女仔就千萬唔好錯過啦！

0208.Party

講到有特別嘢玩嘅觀塘2人Party Room就要提到0208.Party，場地雖然只有200呎，但除咗其他2人Party Room有嘅唱K、麻雀、Poker、Board Games、Switch之外，仲有19000種街機遊戲同埋細個一定有玩過嘅爆旋陀螺，即使只有2個人都有好多嘢玩！

佢哋不但有好多適合2人的娛樂設備，裝飾佈置方面都係家居風格，俾人感覺好似喺屋企一樣咁自在。唔好睇200呎好似唔大，但其實多幾個人去都絕對夠坐，夠嗮熱鬧，而2個人去就更加綽綽有餘。

如果係幫朋友慶祝生日，場主仲可以幫手代訂字母汽球、代訂蛋糕、代訂酒水、佈置氣球等，省下來的時間可以計劃其他行程活動！

SMART ONE Party Room

SMART ONE Party Room場地有200呎，2個人去個場啱啱好唔大唔細，最緊要係訂場價格實惠，情侶2人想搵個地方去拍拖休息，呢度24小時開放，無論幾點想去都可以隨時訂場！

佢哋除咗有電動麻雀枱、唱K、骰盅、Netflix、桌遊等基本設施，場地亦有燈飾可以開，成個場只開燈飾，即刻有嗮氣氛，玩起來的氣氛都舒適好多。即使2個人睇Netlifx、唱K玩到悶，都可以叫埋朋友上去打麻雀玩board game，再買少少嘢飲上去玩兩鋪骰盅都係唔錯嘅選擇！

呢間Party Room係觀塘Party Room中收費較便宜的一間，適合情侶、朋友2至6人小型聚會，場地唔算大，大家都可以坐得Close啲，係睇戲唱K嘅好地方。