文章最後更新於 2023-11-30
觀塘Party Room又平又多嘢玩！每次朋友或者自己生日都會想搞個Party慶祝一下，而最啱一班朋友隨意放鬆就緊係去Party Room啦！觀塘係Party Room嘅聚集地，有齊各式特色主題Party Room，設施又多，麻雀、Switch、PS4、唱K、board games不在話下，有啲觀塘Party Room仲有BBQ、飛標機、打卡點、波波池添呀。
Ver.2 Party Room：低價玩齊多款玩樂設備
Ver.2 Party Room位於觀塘偉業街，係一間24小時自助式取房Party Room。佢哋提供500呎大房，最低只需$20就可以玩盡電動麻雀機、Switch連4手掣、4支無線唱K mic，仲有多款board game，例如狼人殺、UNO、三國殺、牛頭王等！除咗基本玩樂之外，仲有Poker枱提供。房內設有獨立洗手間，而每次玩完亦會有職員進行清潔及消毒，乾淨又衛生！
地址：觀塘偉業街169號中懋工業大廈
收費：每人HKD$20起/小時
適合人數：最高8人
Penthouse：寬敞有海景、15人以上觀塘Party Room
Penthouse在觀塘駿業街，Party Room距離地鐵站B3出口約步行8分鐘路程。Penthouse分為19樓嘅1000呎室內空間，同23樓嘅1700呎戶外天台。19樓室內空間有齊Party Room基本要求，如Switch 、board games 、自動麻雀機、飛標機等等，仲有全港獨一無二訂購自美國的立體波子機。Penthouse仲有以雲石設計的開放式廚房，廚房及煮食設備非常齊全，想煮嘢食露兩手或者處理BBQ食材，甚至打邊爐都絕對不成問題。
而23樓戶外天台空間可以容納60人以上，觀景開揚之外，仲設有酒吧檯，同成班朋友一齊去放鬆真係可以好chill。天台仲有打卡位，俾你影靚相放上社交平台，成為眾人眼中嘅女神、男神。租得天台就緊係唔少得要BBQ啦，呢度唔單止有傳統燒烤爐，仲有西式燒烤爐，啲嘢食點都燒得熟，唔怕食壞肚啊。
地址：觀塘駿業街41號日昇亞太中心19樓01室
收費：HKD$200-250/ 5小時
預訂：Penthouse(最低消費人數15-20人)
夜晚冇車返屋企，Party Room玩完想搵個地方住？觀塘有幾間平價優質酒店可以住，基本上都在觀塘地鐵站附近，甚至近觀塘海濱。玩完Party Room行幾步就到酒店。
Miniparty Deluxe：極靚裝修、天台BBQ
Miniparty Deluxe位於觀塘鴻圖道，Party Room距離地鐵站A1約步行7分鐘路程。Miniparty有極靚裝修，雖然叫做Miniparty，但其實一都唔mini，室內有1200呎空間，設施齊全包括波波池、唱K、自動麻雀機、飛鏢機、街機、switch、PS4、board games，其他傢私就更加唔使講一定有。仲有單人打卡影相位，亦有靚靚台階可以比一班人企上去影相留念。
另外仲有800呎BBQ天台，啱嗮朋友一齊近近地搵個地方BBQ，或者舉辦各式聚會都無問題，無論係朋友聚會、家庭聚會、公司聚會、生日party都係唔錯嘅選擇。
地址：觀塘鴻圖道55號幸運工業大廈
收費：每人HKD$140左右/ 3小時
預訂：Miniparty Deluxe(最低消費人數8人)
除咗Party Room，平時情侶仲可以去邊度玩？我哋為你搜集超過20個以上拍拖好去處，浪漫約會令感情迅速升溫。
Right Right Right Party Room：環遊世界主題
圍威喂Partyroom位於觀塘鴻圖道，距離牛頭角站B6出口步行約3分鐘路程。圍威喂Partyroom一共有4個特色主題房間，當中包括冰雪世界、秋之楓、睡夢世界、英倫花園，共2300呎空間。想要身在香港卻有猶如置身於異國嘅感覺，呢間Party Room就最啱你。去得世界各地，緊係要打卡影相，其中有綠色花牆加吊椅等設備，啱曬鐘意打卡嘅你。室內遊玩設備當然唔少得唱K、Switch、PS4、街機、飛鏢靶、Xbox360、Xbox One啦，真係超多game可以玩，鐘意打機嘅你可以盡情玩翻夠本呀。
秋之楓主題：以秋天楓葉、富士山背景板作為裝飾，係咪好掛住香港人嘅「另一個家鄉」日本呢？而家只需要去圍威喂Party Room就可以見到啦！
冰雪世界主題：有充滿童真嘅滑梯、波波池，白色嘅磚牆，雪白嘅裝修都會令人猶如置身於Frozen嘅冰雪世界，如果係一家大細去就最啱啦。
地址：觀塘鴻圖道12號精棉工業大廈2樓A室
收費：每人$88-$158/ 4小時
預訂：Right Right Right Party Room(最低消費人數5人)
除咗Party Room嘅室內活動之外，平時情侶仲有咩做？觀塘有好多適合情侶的工作坊可以參加，工作坊可以一起合力製作手作，甚至係自己去手作禮物送比對方，係平時消磨時間的好去處之外，亦係情人節送禮好選擇。
Blank Slate Kitchen：下廚Party Room、放鬆休閒
Blankslate Kitchen位於觀塘工業中心，距離觀塘站D4出口步行約1分鐘路程。Blankslate Kitchen最大特色就係設有500呎開放式廚房，如果係朋友、情人、同事、家人想搵一個休閒舒適既輕鬆空間，下廚兼談話家常、聊天小聚就最適合。當然基本Party Room設備齊全包括switch、唱K、麻雀、board games、飛鏢。
Blankslate Kitchen私隱度高，因為沒有工作人員監場，可以盡情傾盡情玩、打卡影相、比拼廚藝，或者整餐好嘢食比朋友，炫耀一番廚藝。Party Room更有提供貼心的清潔服務，過完Party之後不需擔心清潔問題。
地址：觀塘工業中心第1期6樓D1室
收費：每人$108-$128/ 4小時
預訂：Blankslate Kitchen(最低消費人數8人)
Chillax X HST：超有Feel型光Party Room
Chillax Party Room位於觀塘開源道，距離觀塘地鐵站B2出口約步行3分鐘路程。Party Room設計時尚簡約工業風格，包場只要$35/hr起，超平超抵玩。Chillax有全港首個過百呎變色「型光・波波池」，邊個見到都會想跳入去阿！
HST新分店更加入「型光公共空間」，設置三項獨家原創設施。
波波池有電動洗波波機，唔使怕個波波池好多細菌。啲遊戲設施都係用瑩光做主題：「型光3D 扭扭樂」、「型光巨人足球機」，係嗰度影相真係好靚好有特色。
地址：觀塘開源道62號駱駝漆大廈1座
收費：每人$39-59/ 每小時
預訂：Chillax X HST(最低消費人數10人)
BALL ROOM：室內競技類玩樂Party Room
鐘意玩競技類遊戲嘅朋友仔絕對唔可以錯過BALL ROOM。係呢度你可以盡情同班friend切磋，仲可以有個機會打贏佢哋成為「遊戲王」！場地嘅佈置同設施都好別樹一格，Party Room裡面有熱血跑場，適合精力十足嘅你同班朋友較勁一場！
另外仲有旋風投手，用你驚人嘅手速將球投入敵人頭上瘋狂旋轉嘅龍門，比佢哋見識下你嘅厲害！仲有阿，一桿入魂挑戰融合咗高爾夫球同傳統滾球玩法，考驗你手力、眼力，玩開槍game嘅你終於有機會做一次最佳狙擊手威返鋪啦！
仲有好多好玩設施等你一一發掘，例如桌上冰壺，旋轉層層塔，心驚膽顫電流棒等等，真係第一次聽呢啲遊戲設施，超級新穎阿！傳統Party Room就去得多啦，呢類室內競技Party Room唔知你又去過未呢？唔想次次都係去唱K打麻雀，咁呢間就夠嗮新奇好玩，啱曬成班朋友一齊去體驗Party Room新玩法！
地址：觀塘興業街 14 號永興工業大廈12樓C1室 / 觀塘開源道62號駱駝漆工業大廈1座10樓A室
收費：$200/ 4小時
預訂：Ball Room(最低包場人數35人)
Kangaroom：2-6人首選Party Room
Kangaroom位於觀塘興業街，距離觀塘地鐵站B1出口約步行5分鐘路程。呢間 partyroom適合人少又想包場嘅朋友們，只要2個人以上就可以包場，最多可以容納6-8人。
Party Room基本設施齊全，嘢飲任飲，價錢亦非常平，book得越耐就越多優惠！想又平又玩得舒服就啱曬你，而另外一間分店Kangahome就適合較多人去玩。
地址：觀塘興業街12號永泰中心
收費：$14-$35/ 小時
預訂：Kangaroom(適合人數2-8人)
Wawawa Party Room & BBQ：超大空間，獨家設施
哇哇哇，超大Party Room，wawawa Partyroom有5000呎空間！可以容納200人，又大又多嘢玩！有幻燈仿冰球場、室内草地足球場 、黃色扇形木梯唱K波波池、Nerf Gun海綿彈槍加強版、藍球九宫格過三關、6人對戰乒乓枱、粉紅bling bling 唱K波波池、露營佈景影相區 、沙灘cafe 佈景影相區等等。
想點玩都得，無論咩活動都適合去Party Room舉辦，生日會、百日宴 、公司活動、公司年會 、員工Training 、品牌發佈會、興趣班、工作坊、音樂會、各項比賽、各項私人活動等。除咗玩之外，同時係個多用途活動空間！
地址：觀塘駿業裡世貿大廈3樓全層
收費：約$120/ 四小時
預訂：Wawawa Party Room(最低消費人數4人)
無論係多人、少人，定係想要新玩法，觀塘Party Room都絕對唔會令你失望。咁多唔同類型嘅Party Room，總有一間符合你個需要！
Party Room常見問題
Party Room基本設備有哪些？
Party Room一般的基本設備包括唱K、音響、Switch、電視、雪櫃、檯凳、麻雀、Board game，更進階的Party Room會有PS4、波波池、BBQ露台、廚房廚具、街機等，或者其他獨家設施、玩樂設備。
目前Party Room最晚營業時間到幾點？
Party room因應政策只限到最晚凌晨2點，而且因應最新限聚令，房間上限最多8人，必需打兩針疫苗、掃描安心出行及有效疫苗通行證。Book party room嘅時候記住留意人數同埋時間啦！
