【情侶工作坊】13間DIY工作坊令情侶感情迅速升溫！手作禮物、節日禮物推介

文章最後更新於 2023-11-30

每到情人節、紀念日、生日都唔知送咩禮物比對方好，平時行街丶睇戲丶食飯去到厭？其實香港有好多適合情侶的工作坊，今日幫你哋挑選出香港各個地區適合情侶消磨時間、增進感情，以及可以製作禮物的情侶工作坊比情侶們，等情侶們作為拍拖活動嘅同時，都可以增加下生活品味，尋找共同興趣，享受和另一半難得的美好時光。

Obellery手工珠寶工作坊

作為一份禮物，最重要就係一份心意。無論係自己偷偷去工作坊打造一枚親手製作嘅戒指，然後送俾伴侶作為驚喜禮物，又或者一齊去工作坊整完戒指，互相為對方戴上含有滿滿心意嘅戒指，戒指都會係一份輕巧而具有儀式感嘅禮物。Obellery工作坊分為3個Level，分別為沒有經驗、有製作經驗、純熟製作經驗嘅參加者而設。製作戒指過程，從金屬切割、退火、焊接、挫修、打磨、手工拋光都係人手製作。除咗戒指之外，亦可以選擇製作銀手鐲，手鐲分為7款設計，每款都會用到唔同技巧去製作。製作過程中，工作坊導師會給予適當嘅協助，例如幫手微調，即使製作過程有差錯都會幫你補救！

地址：中環鴨巴甸街35號PMQ B座H403室
工作坊開始時間：
星期一至日：11:00am、2:30pm、5:00pm
(工作坊開始時間有機會變更，請隨時留意最新開始時間)
報名費：HKD$920

香港押花字母燈箱手作工作坊

每一個晶瑩剔透的押花字母燈箱，都係送禮或自用的好選擇！在押花字母燈箱手作工作坊可以選擇自己喜歡的花形、顏色，製作獨一無二的押花字母燈箱。燈箱無論是開燈還是關燈，都係好靚嘅裝飾。情侶在燈箱上用英文字表達內心的想法，又或者為對方製作燈箱，再送給對方。經由工作坊導師細心、耐心的教學，作品成果都能夠符合預期效果。

地址：天水圍天耀廣場LG22鋪
工作坊開始時間：
星期一至六：11:30am、2:30pm、5:30pm
(工作坊開始時間有機會變更，請隨時留意最新資訊)
報名費：HKD$427

玩嗮啲工作坊之後到底仲可以同另一半去邊度玩？我哋為你搜羅全港20個以上最熱門拍拖好去處，無論打卡拍照、消磨時間、刺激生活都無問題。

Cheerz手揑香氛蠟燭、雪燈燭台

只需要一支匙羹、一張墊、一支竹籤就可以親手捏出一朵帶有香氣嘅玫瑰。Cheerz workshop比你親手調色調香製作最啱你心水嘅香薰蠟燭。另外仲可以設計個人嘅雪燈燭台，整完之後可以擺放茶燭、LED燈令燭台搖身一變小夜燈，整完出嚟嘅效果就睇落好似啲雪融化到一半咁，唯美又有特色。又有得睇，又有得聞，送比對方做裝飾擺設又得，偶爾點燃蠟燭散發香氣又得，諗唔到平時送禮送咩好，香薰蠟燭就係送禮萬能key！

地址：觀塘興業街永泰中心6樓6070室
工作坊開始時間：
不定期日子：12:00pm、3:00pm
(工作坊開始時間有機會變更，請隨時留意最新資訊)
報名費：HKD$380

皮革小物工作坊

皮革小物工作坊係專門製作皮革手作的工作坊，製作手作時可以自選設計、皮革顏色，發揮自己最大的創意自製獨一無二的皮革手作送給最重要的另一半。在工作坊可以自製皮革玫瑰、錢包、手帶等等。工作坊導師有耐心，而且製作步驟講解詳盡，由揀皮、倒模、揉邊、壓字、打孔、穿線等都會一步一步指導。仲有2隻貓貓店長坐鎮工作坊，完成手作嘅時候可以同佢哋玩下添！

地址：銅鑼灣富明街寶明大廈4樓J室
工作坊開始時間：
星期一至六：2:00pm、4:00pm、6:00pm、8:00pm
(工作坊開始時間有機會變更，請隨時留意最新資訊)
報名費：HKD$385

銀器工作坊

情侶最好的禮物當然是一對對！銀器工作坊讓情侶互相為對方打造一枚獨一無二的戒指、手鐲，意義非凡。認識許久的情侶無論是手鐲還是戒指都十分適合送給對方，而熱戀不久的情侶可以互相送手鐲給對方，除了將對方的手套起來之外，亦將對方的心套起來！除此之外，銀器戴在身上就如同對方陪在身邊，不離不棄！導師細心且健談，整個製作過程手把手教學，連初學者都可以明白製作原理以及方法。為對方打造唯一的飾品後，會有保養飾品小技巧，注意銀器保養，讓銀器像你們的愛一樣長存起來。

地址：九龍觀塘開源道47號凱源工業大廈10樓i室
工作坊開始時間：
情侶戒指：星期三、六，7:30pm
手鐲：星期四，7:30pm
質感戒指/手鐲：星期三，7:30pm、星期六/星期日，4:30pm
(工作坊開始時間有機會變更，請隨時留意最新資訊)
報名費：HKD$900

銅手鐲工作坊

在銅手鐲工作坊可以親自打造一隻專屬自己或者伴侶的手鐲。在手鐲上刻上心中想要表達的字句、對方的暱稱，每一隻手鐲上的紋理看似一樣，實則尤如指紋一樣是獨一無二的。工作坊簡化了傳統金工的步驟，即使0經驗都可以打造出心水手鐲。手鐲款式非常多，包括直款、扭款、雙扭款。紋理亦分為水波紋、樹紋、橫紋、拉絲紋。最後製作完成手鐲後，還會有保養飾物小貼士，讓手鐲的壽命如同情侶的愛一樣長存。

地址：葵涌葵豐街17-23號華業工業大廈B座15樓 i1室
工作坊開始時間：
星期二至六：7:00pm
(工作坊開始時間有機會變更，請隨時留意最新資訊)
報名費：1人HKD$350，2人同行HKD$600

The Handcrafter Workshop金屬工藝、皮革、押花工作坊

The Handcrafter Workshop無論係純銀製作、銅手鐲、皮革短銀包、立體押花飾物、押花酒精噴霧都有開辦工作坊，一間wordshop可以玩齊咁多工作坊，玩齊所有想玩嘅嘢，超級方便！其他工作坊可以做到嘅嘢，基本上The Handcrafter都有提供，押花工作坊提供50種押花、金工工作坊同皮革工作坊嘅作品都可以刻上名字、短句、符號！唔想周圍搵唔同嘅工作坊，嚟呢度就啱嗮你哋！

地址：葵興葵昌路40-52號葵昌中心4樓413室
工作坊開始時間：
星期一至日：不同工作坊分別在不同時間開始，請留意最新資訊
報名費：HKD$250

Myosotis Flower永生花工作坊

永生花係情侶之間最常送嘅禮物之一，送永生花意味著希望彼此的感情和關係能夠同永生花一樣長存。Myosotis Flower永生花工作坊除咗可以整永生花之外，亦可以整霓虹燈。整永生花嘅材料有大玫瑰、小玫瑰、繡球、乾花，另外仲有好多小燈飾同小帳篷可以做背景。無論係單獨去工作坊整禮物送比另一半，或者同伴侶一齊去整永生花送比大家都係很好的選擇。

地址：觀塘偉業街221號美德工業大廈B座6樓B3室
工作坊開始時間：
星期一至日：10:00am-4:00pm
(工作坊開始時間有機會變更，請隨時留意最新資訊)
報名費：HKD$380

擴香石工作坊

擴香石工作坊-香港難得一見的工作坊類型，製作芳香石材的課程，在工作坊內可以製作散發芬芳香氣的可愛小飾品，無論是製作成心形、可愛動物或者花草都可以。製成品可愛嘅外觀，又或者係散發出的香氣都係惹人鐘意的，尤其係女仔的少女心就最喜歡這類型手作。製作過程簡單，所以一次工作坊可以製作多個成品，一次滿足所有願望！

地址：尖沙咀漆咸道南107-109號,中晶金融中心,16樓全層
工作坊開始時間：
星期二至六：11:00am、2:00pm、4:00pm、7:00pm
(工作坊開始時間有機會變更，請隨時留意最新資訊)
報名費：HKD$340

Happy Cara香水香薰蠟燭工作坊

Happy Cara工作坊由國際IFA認證香薰治療師主理，用有機天然的材料做DIY課堂。為參加者提供個性化配方，選擇適合自己肌膚的材料作香水。近期最有趣的是開辦了九型人格香水DIY工作坊，在開始工作坊之前，導師會幫參加者做一個詳盡的九型人格分析，然後根據測試結果推薦適合參加者個性和喜好的精油。如果情侶想知對方或自己的性格特質，可以玩九型人格香水工作坊，整香水之餘仲可以做埋測試，一舉兩得！

地址：觀塘駱駝漆大廈2座1樓52室（其他店鋪於太子、尖沙咀）
工作坊開始時間：
星期一至日：時間會在預約後由工作坊主辦單位親自聯絡
(工作坊開始時間有機會變更，請隨時留意最新資訊)
報名費：1人HKD$680，2同行HKD$1224

其他香水香薰工作坊：
HK Companions香水/擴香瓶工作坊（地址：觀塘開源道62號駱駝漆大廈第1座11樓C2室）
上環天然香水香薰精油工作坊（地址：上環新街市街19號）
Perfume Talk香水工作坊（地址：尖沙咀漆咸道南87-105號百利商業中心1樓93號舖）
Peaceful Candles手工香薰蠟燭工作坊（地址：新蒲崗大有街36號華興工業大廈F座10樓40室）

Tufting Air手作地毯工作坊

女仔大多都鐘意軟綿綿嘅可愛事物，譬如公仔就非常得人鐘意。而現在除咗公仔之外，簇絨(tufting)的熱潮終於傳入香港啦！在Tufting Air可以用簇絨槍一下一下將毛線穿過底布，刻畫出想要的圖案在地毯上。操作簡單容易上手，幾個鐘就可以整到一張心水的地毯。除了地毯之外，亦可以整掛畫、坐墊、枱墊。如果唔識設計都唔緊要，只要send張相(例如人像、動物)比導師，就可以協助你設計出圖案。不需要藝術基礎都可以整到一張值得留念的作品。

地址：觀塘駱駝漆大廈2座1樓52室
工作坊開始時間：
星期一至日：12:00pm、6:00pm
(工作坊開始時間有機會變更，請隨時留意最新資訊)
報名費：1人HKD$680，2同行HKD$1224

其他手作簇絨工作坊：Theflooriscold Studio毛毛地氈工作坊，超人氣木系風TUFTING店

花漾手製鳥結糖工作坊

大多數女仔都鐘意甜食，花漾手製鳥結糖工作坊能夠為情侶帶來甜蜜的一天。鳥結糖除了味道甜甜之外，賣相色彩繽紛，最適充滿少女心的女仔！製作鳥結糖成品後，可以試食，亦可以裝入袋、盒子，贈送比身邊的人。製作過程簡單、輕鬆，學識整鳥結糖之後，平時得閒都可以整嚟送比身邊重要嘅朋友！

地址：觀塘成業街19-21號成業工業大廈14樓29室
工作坊開始時間：
星期三、六：11:00am、7:30pm
(工作坊開始時間有機會變更，請隨時留意最新資訊)
報名費：HKD$330

其他甜點工作坊：觀塘甜點工作坊

BakeBe烘焙工作坊

烘焙類型的工作坊最適合初次或烘焙經驗少的情侶、朋友一起去。BakeBe烘焙工作坊提供多種蛋糕、冬甩製作方法，各種特色蛋糕工作坊任選，材料及工具全包。與身邊重要的人一起創造美好的回憶！情侶熱門之選當然是製作心形蛋糕啦，可以大膽地表達自己的愛意！在烘焙製成後可即場品嚐一起合作完成的作品，在工作坊內亦無限提供各式飲品。烘焙教學主要是看ipad的教學，但遇到製作問題時可以問在場工作人員，他們會友善地協助完成作品。

地址：尖沙咀彌敦道美麗華廣場2期1樓170鋪
工作坊開始時間：
星期一至五：11:00am-10:00pm(最晚參加時間為7:30pm)
星期六、日及公眾假期：11:00am-1:00pm、6:00pm-10:00pm
(工作坊開始時間有機會變更，請隨時留意最新資訊)
報名費：HKD$430

情侶工作坊常見問題