女朋友生日去邊好？香港男仔必看的27個女朋友生日好去處，給女友一個浪漫生日！

文章最後更新於 2024-04-14

每年一到女朋友生日時，最煩惱就係要諗香港有邊啲新的女朋友生日好去處，咁到底女朋友生日去邊好？這篇文章會分享香港27個女朋友生日好去處，包括Glamping、工作坊、按摩、影相打卡、室內活動等，當中包含有浪漫、溫馨、好玩、休閒的生日慶祝活動，都很適合作為慶祝女友生日的行程，給她一個特別且難忘的生日回憶！

女朋友生日好去處｜浪高長岸露營

很多情侶在女朋友生日時會選擇出外過夜，但一般嘅Staycation已經滿足唔到你，就一定要試下去露營過夜！浪高長岸是一間臨海的度假中心，鄰近長沙海灘。他們提供豪華露營、露營車啱嗮情侶2人去住。營地附近有不同的付費、免費水上活動、餐廳之外，仲可以BBQ。

地址：大嶼山長沙下村29號

開放時間：
露營車：17:00pm – 翌日12:00pm
水上活動：10:00am – 18:00pm

價格：$1199起

除了浪高長岸，還有哪些適合情侶去的香港Glamping？

女朋友生日好去處｜白泥部落豪華露營

白泥部落係香港設有酒店式配套的露營場地，只需帶很少的露營裝備就可以入住。營地共有3款特色營舍，所有營舍的設計都方便觀星，係女朋友生日時帶佢去睇星的浪漫好去處！

同時，有好多男仔都會在女朋友生日時，提早帶一些浪漫氣球、彩帶佈置營舍，給女朋友一個生日驚喜。

地址：元朗八鄉錦田石崗機場路水流田村村口

開放時間：
星空營/部落營：15:00pm – 翌日12:00pm
草地營區：14:00pm – 翌日12:00pm

價格：$280起

女朋友生日好去處｜星園豪華露營

星園係以花園作為理念的星空帳幕營地，比起其他營地更加接近大自然。與其他營地不同的是，星園的營地帳幕係透明的，係睇星星嘅最佳選擇。星園鄰近貝澳沙灘，可以沿住海岸線漫步，超級浪漫。

地址：大嶼山貝澳牛坳園48號

開放時間：16:00pm – 翌日11:00am

價格：$1090起

女朋友生日好去處｜QQ Tufting工作坊

QQ Tufting係專門製作簇絨紡織品的工作坊，你可以整地毯 、杯毯 、枱毯、坐毯、掛牆裝飾、毛毛鏡、袋、飾品等物件。QQ Tufting提供3款畫框大小，而且可以無限時製作，玩足全日都無問題。如果係對藝術有要求嘅，可以慢慢整到靚一靚，唔洗趕住走！

地址：觀塘興業街15號中美中心B座9樓1室

開放時間：全星期12:00pm – 23:59pm

價格：$450起

除咗Tufting之外，仲有其他好玩的情侶工作坊，除咗可以事先在女朋友生日前製作生日禮物，還適合在女朋友生日時一齊去工作坊玩！

女朋友生日好去處｜BakeBe烘焙工作坊

BakeBe烘焙工作坊提供多種蛋糕製作方法、材料及工具全包。可以喺女朋友生日時同佢一齊整一個最甜蜜嘅生日蛋糕，至於熱門之選當然係心心蛋糕！蛋糕製成後可即場品嚐，工作坊還無限提供各式飲品。

地址：尖沙咀彌敦道美麗華廣場2期1樓170鋪

開始時間：
星期一至五 11:00am – 10:00pm
星期六、日及公眾假期 11:00am – 1:00pm、6:00pm-10:00pm

價格：$430起

女朋友生日好去處｜香港迪士尼樂園

香港迪士尼絕對係浪漫又好玩的拍拖地方，香港有不少男仔都會選擇去迪士尼幫女朋友過生日！尤其女朋友生日撞正節日的話，其實迪士尼會有特別的節日裝飾，特別有氣氛！生日的時候去迪士尼，仲會有唔同嘅酒店生日禮遇、生日蛋糕優惠、可愛嘅生日貼紙附送！

地址：大嶼山香港迪士尼樂園

開放時間：10:30am – 20:30pm

價格：$590起

同女朋友慶祝生日時一定要記得買蛋糕，即刻睇下有哪些生日蛋糕推薦啦！

女朋友生日好去處｜香港海洋公園水上樂園

無論幾時都好，主題樂園都係生日好去處。去海洋公園水上樂園玩水都係一個唔錯嘅女朋友生日行程。除咗樂園內有恆溫措施，無論冬天定係夏天都可以去玩之外，最緊要係設施夠多可以玩足成日！水上樂園總共有27個室外及室內設施，例如有八彩天梯、急流旋渦、沖天瀑布、神秘迷沖等多個刺激嘅遊樂設施，亦都有較為休閒愜意嘅漂流探秘等。

地址：香港仔海洋徑33號海洋公園水上樂園

開放時間：星期五至一 10:00am – 17:00pm

價格：$88起

女朋友生日好去處｜香港海洋公園

香港海洋公園係香港唯一一個生日免費入場嘅主題樂園。海洋公園每一年都會有唔同嘅劇場、表演、活動，甚至有新嘅設施。除咗單買海洋公園入場門票，仲可以購買海洋公園連水上樂園門票，一次過去嗮海洋公園同埋水上樂園！

地址：香港仔黃竹坑道海洋公園

開放時間：全星期(星期二除外) 10:00am – 19:00pm

價格：$0起

女朋友生日好去處｜Shh Massage & Spa

Shh Massage係一間專為追求身心平靜的人而設的綜合按摩及水療空間。內部環境設計讓人感到舒適放鬆，讓人能夠放空心靈，消除身體的疲憊。Shh Massage提供多款唔同種類嘅按摩，包括適合情侶的雙人按摩療程，甚至有些按摩療程專為女性而設。

地址：
沙田新城市廣場一期UB05
尖沙咀柯士甸道144號
銅鑼灣黃泥涌道地下139號

開放時間：星期一至五 11:00am – 20:00pm

價格：$348起

女朋友生日好去處｜帝苑酒店Spa

帝苑酒店spa提供深層肌肉按摩體驗、舒緩按摩以及高效的面部護理，在2023年獲得布斯旅遊指南四星評級獎項。酒店毫無疑問係係食玩住集於一身的地方，生日時可以在酒店按摩做spa、享受美食，過半日的休閒時光。

地址：尖沙咀東部麽地道69號帝苑酒店

開放時間：全星期 10:00am – 21:00pm

價格：$1060起

女朋友生日好去處｜The Promenade

The Promenade是九龍海逸君綽酒店的餐廳，係香港最多人預訂嘅高質素酒店自助餐。餐廳有20尺巨型落地玻璃窗，可以睇到維港景色，係帶埋女朋友嚟食浪漫自助餐嘅最好選擇！自助餐嘅必食推介係北海道扇貝甜蝦刺身、新鮮生蠔、芒果拿破崙以及各款蟹類。

地址：紅磡黃埔花園德豐街20號

開放時間：全星期 12:00pm – 22:00pm

價格：$300起

女朋友生日好去處｜Harbour Grand Café

Harbour Grand Café在港島海逸君綽酒店內，係食物水準高嘅熱門自助餐餐廳之一，環境舒適愜意。生日時仲會送一件小蛋糕作為生日驚喜！佢哋會不時推出新的美食菜式，例如海參釀蝦膠、炸海參蝦膠龍蝦鉗、花膠海參釀蟹蓋，而必食推介就係佢哋嘅海鮮。

地址：北角油街23號港島海逸君綽酒店三樓

開放時間：全星期 10:00am – 8:00pm

價格：$300起

女朋友生日好去處｜香港愉景灣酒店

香港愉景灣酒店係一個遠離都市繁囂的絕佳情侶staycation過夜選擇，而且附近亦有多個景點。酒店嘅海濱白教堂面向大海，風景如畫，係一個浪漫至極嘅打卡景點。趁住女朋友生日幫佢影一張靚相，記住呢個浪漫瞬間！

酒店瀰漫著現代感，入住時可以選擇面向蔚藍海天的海景房或面向青翠山谷的山景房，置身於大自然嘅美景中，係超浪漫嘅酒店。

地址：大嶼山愉景灣海澄湖畔路88

入住時間： 15:00pm – 翌日12:00pm

價格：$1500起

女朋友生日好去處｜香港維港凱悅尚萃酒店

香港維港凱悅尚萃酒店係一間充滿異國風情同高級感嘅Staycation勝地，周圍仲有唔少美食同經典景點。而且酒店亦係可以輕易佈置生日裝飾的地方！

酒店提供海景房，可以一睇無窮北角海濱嘅美景。值得一提嘅係Cruise空中餐廳及酒吧，除咗可以食到美食之外，同樣可以睇到維多利亞港嘅美景。而戶外陽台更係一個適合帶埋女朋友去享受香港夜景嘅最佳位置。

地址：北角北角邨里1號

入住時間：全星期 10:00am – 8:00pm

價格：$2000起

女朋友生日好去處｜Blissful Party

Blissful Party以浪漫星空為主題，係一間24小時自助式Party Room，場地共有500呎。Party Room內有多款娛樂，包括遊戲機、適合2人的Board game、波波池、秋千搖椅、Netflix，亦有韓燒邊爐可以租借。

想在Blissful Party過個浪漫生日？佢哋提供代訂字母汽球、氣球佈置服務，可以幫男友們佈置好女朋友生日場地，輕鬆過個愉快又浪漫嘅生日。

地址：太子花園街

開放時間：24小時開放

價格：$60起/小時

想知更多優質party room？即刻喺tripezly預訂party room，無論港九新界都有適合情侶的2人party room！想佈置場地比女朋友驚喜就記得提早預訂啦！

女朋友生日好去處｜Backyard Party Place

Backyard party place是具有影樓級打卡位嘅Party Room，場地共有650呎。除咗有得唱K、玩switch，仲有得玩PS5 + VR2超真實沉溺體驗，當然Board game、Netflix、Disney plus都唔少得。

男友們想製造浪漫嘅氛圍，可以買一啲氣球、燈飾，再配合場地本身嘅浪漫佈置，咁就萬無一失啦！

地址：觀塘偉業街146號美嘉工業大廈6樓

開放時間：全星期 9:00am – 23:59pm

價格：$35起/小時

女朋友生日好去處｜Go Museum 數碼科幻藝術館

Go Museum在2024全年都有生日優惠！2人同行時，壽星生日正日連同一位朋友購票，壽星即可免費入場。

想感受光影交織，編織出扣人心弦嘅畫面，體驗光影帶嚟嘅科幻、未來感，就一定要嚟呢度啦！Go Museum每隔一段時間都會有唔同嘅打卡主題，啱嗮幫女朋友影靚相！

地址：GO@Peak Galleria山頂廣場2樓201

開放時間：
星期一至四: 11:00am – 6:30pm
星期五至日及公眾假期: 11:00am – 8:00pm

價格：$119

女朋友生日好去處｜中環摩天輪

女仔都鐘意浪漫，而摩天輪是所有情侶約會都必去的地點。中環摩天輪最高有60米，傳說在摩天輪達到最高點時，與戀人親吻就可以永遠在一起。

地址：中環海濱摩天輪

女朋友生日好去處｜孫中山紀念館

孫中山紀念館自20世紀初建成，以其英式古典風格和瑰麗堂皇的裝潢而著名，館內的外牆散發著濃厚的英國古典風情，另外獨特的圓拱形陽台展現出極具藝術價值的希臘式巨柱承托，每一個角落都有獨自嘅特色及歷史，係一個充滿仙氣相片的打卡勝地！

地址：香港半山衛城道7號

開放時間：
星期一、三、五 10:00am – 18:00pm
星期六、日 10:00am – 19:00pm

女朋友生日好去處｜中環大館

大館係近年嘅IG打卡熱門景點，呢座古雅嘅建築群內包括前中區警署、中央裁判司署同域多利監獄，每一個角落都係歷史的精髓。經活化後，大館唔單止保留咗歷史嘅痕跡，仲提供各種生活休閒娛樂同商店，俾你同女朋友充實生日行程。

地址：中環荷李活道10號

開放時間：全星期 8:00am – 23:00pm

女朋友生日好去處｜影灣園

影灣園係一個充滿歐陸風情的地方，有多個必去的影相打卡位，包括圓形噴水池、旋轉樓梯、中庭庭園。露台餐廳更是電影《傾城之戀》的取景地，浪漫至極！除此之外，餐廳延續了20年代的餐廳設計，除咗食下午茶之外，同樣係熱門打卡位。

地址：香港淺水灣道109號

女朋友生日好去處｜龍鼓灘

龍鼓灘位於屯門最西邊，係一個好寧靜嘅海灘有好開揚嘅海景同沙灘，好啱去欣賞日落，同埋放風箏！如果去山上的瞭望台，甚至有機會見到中華白海豚。龍鼓灘海水潮退時，會有條細路浮現喺水面上，係拍攝「天空之鏡」嘅好地方。喺女朋友生日時，夕陽映照下，留低你哋在海天一色中嘅浪漫時刻！

地址：屯門龍鼓灘路

女朋友生日好去處｜烏溪沙石灘

烏溪沙石灘被 CNN 選為「香港欣賞浪漫夕陽的最佳海灘」，啱晒女朋友生日時一齊去欣賞夕陽！以前有四塊心形石「海之心」，雖然心形石不時會被當地居民拆除，但最重要係可以睇到靚日落嘅美景。還可以遠眺丫洲、三門仔、馬屎洲，同埋對岸嘅大埔慈山寺嘅觀音像，仲可以望到八仙嶺等地方。

地址：馬鞍山烏溪沙青年新村旁

女朋友生日好去處｜英式山頂公園

英式山頂公園的前港督別墅「後花園」有超大草地適合野餐。除咗美麗嘅自然風景之外，仲有前往山頂公園必經之路途中的英式風格建築都係熱門影相打卡點！去到山頂公園的中心有一座夢幻的天藍色涼亭，四周有好靚嘅花圃，就好似世外桃源一樣。甚至有人在山頂公園拍婚紗照，浪漫程度爆嗮燈！

地址：柯士甸山道

女朋友生日好去處｜梅窩

梅窩作為女朋友生日行程可以玩足一整天！銀礦灣瀑布是必去的景點，尤其係落雨之後嘅瀑布更加壯觀。距離瀑布5分鐘路程有一個銀礦洞，影逆光造型照係一流！

除了自然風景，梅窩還有袁氏大屋、聖母神樂院等特色建築，同樣係打卡熱點。梅窩有好多cafe，The hideout就係其中一個在湖泊旁邊嘅咖啡店，環境恬靜，有度假感覺。

梅窩仲有一個銀礦灣沙灘，除咗可以睇日落之外，可以到附近的超級市場買材料到沙灘燒烤。

地址：大嶼山梅窩

女朋友生日好去處｜西環鐘聲泳棚

西環泳棚是香港最後一個泳棚，原本係提供游泳者更衣空間，但目前好少人喺嗰邊游水。由於環境開揚，反而吸引了唔少人嚟睇超靚日落同海景。經過那邊時可以作為其中一個女朋友生日行程。

地址：摩星嶺域多利道

女朋友生日好去處｜貓cafe

女朋友一向充滿愛心，鐘意貓咪？小動物是情侶增進感情的最好途徑！無論有無養寵物，都可以去貓cafe一起與貓貓互動，享受被貓星人包圍的幸福感！貓cafe的裝修大多漂亮，所以也是一個打卡的好去處。

女朋友生日好去處常見問題

相信除咗對於女朋友生日去邊好有好多疑惑之外，其實對於邊啲活動適合女朋友都好重要，選擇合適嘅女朋友生日行程先可以令你哋感情升溫。以下係常見嘅女朋友生日好去處問題以及相應作出的建議、解答。

總結

這篇文同大家分享咗27個女朋友生日好去處，包括露營、情侶酒店staycation、2人 Party Room、多個浪漫日落打卡、拍照景點等，唔知各位男友們有無頭緒點樣計劃女朋友生日安排呢？趁住女朋友生日去多啲平時唔會去嘅地方，玩多啲唔同活動，同女朋友創造難忘嘅回憶！如果仲未諗到點女朋友生日去邊好，可以參考埋拍拖好去處以及男朋友生日好去處，總有一個地方啱你去！