文章最後更新於 2024-04-23
旺角咁多Party Room，有邊幾間抵玩旺角Party Room推介？Tripezly精選出6間旺角Party Room，無論係2人世界，少人或多人聚會都非常適合。而且旺角Party Room有動物風格、日系風格、簡約清新等唔同特色主題，Party Room玩樂設備齊全之外，甚至有得睇日落夜景。想搵好玩嘅派對場地，旺角Party Room一定唔會令你失望。
At The Zoo：多間動物主題Party Room
位於旺角的At The Zoo Party House係香港首間以動物為主題嘅BBQ party room。佢哋設有5個動物主題，分別係海洋世界、長頸鹿、北極熊、森林原野、小獅子房，總共1800呎空間，每一間主題都有特別嘅佈置，俾人感受到唔同嘅氣氛。
At The Zoo既然以動物為主題，就當然係一間寵物友善Party Room啦，場地有曬寵物餵食工具、便便袋，仲有一堆衫仔比狗狗打卡，仲有小貓小狗都鐘意嘅波波池可以玩，係實打實嘅寵物友善，帶埋寵物去玩都非常方便！
除咗有得唱K、打牌之外，仲有BBQ平台可以打邊爐、燒烤。而家預訂At The Zoo除咗可以全場任飲之外，經Tripezly預約Party Room仲可以額外玩多1個鐘，非常抵玩！
地址：旺角地鐵站A2出口
收費：每人$30起/小時
適合人數：最高30人
除咗旺角之外，觀塘Party Room亦有唔少抵玩嘅高質素Party Room選擇。
Party Go旺角場：10尺落地玻璃睇日落夜景
距離旺角朗豪坊只有2分鐘路程的Party Go MK Party Room主打簡潔清新風格，場地有550呎，10個人去玩都唔會覺得擠逼，最大嘅特色就係場地有10尺落地大玻璃，景觀相對其他旺角Party Room更加開揚，無論睇夜景或者日落都好靚！
Party Go MK場地有2部60吋電視，可以一邊打機一邊唱K，唔使再排隊爭電視！場內仲有少見嘅賽車軚盤可以玩模擬賽車Game，感受賽車嘅樂趣。除咗每間Party Room都有嘅麻雀、遊戲機之外，佢哋仲提供唔同嘅小玩具、棋牌類遊戲、Board Games等。
平時去Party Room就去得多，但有得睇景嘅旺角Party Room，你肯定未去過，趁住朋友得閒，即刻約齊佢哋一齊去有得睇景嘅Party Room玩下啦！
地址：旺角新填地街470號海島中心
收費：每人$40起/小時
適合人數：最高20人
Party Go Plus：三面15尺大玻璃窗採光十足
位於旺角登打士街的Party Go Plus Party Room係Party Go嘅分店，呢間Party Room場地嘅風格、玩樂同另外一間分店Party Go MK大致相同。雖然比起分店Party Go MK少咗落地玻璃，但呢間分店嘅裝修望落更加精緻，同埋有三面嘅15尺大玻璃窗，採光度十足！
除咗有齊分店Party Go MK嘅設施，譬如2部65吋電視、賽車軚盤、電動麻雀、Board Games、Poker枱、有計分系統嘅飛鏢等設施之外，呢間Party Room另外仲有桌球可以玩。
如果分店Party Go MK已經俾人訂嗮位，不妨試下嚟呢間Party Go Plus，2間店都一樣咁好玩！
地址：旺角登打士街36號恆威商業中心16樓
收費：每人$40起/小時
適合人數：最高25人
Whoopee Party：日系簡約小型Party Room
有時候幾個朋友搞小型聚會去太大間嘅Party Room會覺得太空曠，唔夠熱鬧，呢個時候，小型Party Room就可以解決呢個煩惱！Whoopee Party係一間小型旺角Party Room，主打日系風格，環境溫馨舒適，場地200呎，適合幾個朋友小聚、情侶2人拍拖。
即使係小型Party Room，但唱K、遊戲機、麻雀、Board Games等玩樂設備都好齊全，仲可以令大家感覺更加親密，炒熱氣氛都快啲添！
地址：旺角煙廠街9號興發商業大廈
收費：每人$35起/小時
適合人數：最高10人
18 Challenge：5萬呎場地賽車Party Room
場地5萬呎的18 Challenge係全港唯一有室內電動高卡車場嘅Party Room，設有多個設施、餐廳，甚至自助餐都有提供，無論大小型聚會，喺呢度可以玩足全日都玩唔嗮！必玩項目就當然係電動高卡車，跑道分為大人區、小朋友區，所以大人細路都啱玩。
除咗實體賽車之外，亦有賽車遊戲機，即使唔參與實體賽車都可以喺虛擬世界跑返兩圈！玩完刺激嘅賽車，就當然唔少得Party Room設施，譬如麻雀、唱K、籃球機、氣墊球、夾公仔機都有得玩，大人小朋友都啱玩，而家經Tripezly訂場仲可以飲品免費任飲！
地址：愛民邨愛民商場2樓S1
收費：因應需求而度身訂做
適合人數：最高100人
M field Party：700呎露台靚靚打卡位
場地裝修風格數一數二特別的M Field Party Room，場地混合了歐洲貴族及童話風格。場地總共1000呎，而露台就佔700呎，露台的景觀開揚，有得睇靚景，無論室內室外都有靚靚打卡位，啱嗮IG女神去打卡！
除咗特色打卡位，例如大型馬車、貴族凳之外，呢間Party Room亦有電動麻雀機、唱K、遊戲機、Poker枱等多項設施，另外佢哋仲提供BBQ套餐，不過訂購BBQ套餐就要記得提早預訂。
地址：旺角亞皆老街80-86號昌明大廈1樓H室
收費：每人$30起/小時
適合人數：最高40人
