文章最後更新於 2024-04-15
香港有邊啲大型兒童室內遊樂場？香港有好多兒童室內遊樂場開放俾2歲至11歲嘅小朋友去玩。這篇文章會分享14間兒童室內遊樂場，讓家長在平日及假日都可以帶小朋友去放電，在讀書之餘都有時間去放鬆！兒童室內遊樂裡面有好多可以培養小朋友成長的玩樂設施，不論係動態活動、靜態設施都有提供，適合不同年齡、性格的兒童。
兒童室內遊樂場｜Kiztopia
Kiztopia有著全方位遊樂環境，於2021年得到新加坡旅遊獎傑出景點體驗獎。Kiztopia全場12000呎，共有15個遊樂區，包括大型攀爬區、兩層樓高的滑梯、色彩繽紛的巨型波波池、創意角色扮演及具有挑戰性的障礙訓練場。除了遊樂設施，還可以在遊樂場內為小朋友舉辦生日Party，樂園大使會為小朋友設計一個特別嘅生日派對，有好多小朋友玩到唔捨得走！
地址：新界沙田新城市廣場一期LB08-09
營業時間：10:00am – 20:00pm
價格：$158起
兒童室內遊樂場｜Chill Kids Club大型親子天地
Chill Kids Club係一間佔地32000呎嘅超大型兒童遊樂場，有大型落地玻璃可以近距離望到飛機升空。遊樂場內分為「放電專區」及「幼兒專區」，2個遊戲區總共有18個遊樂設施，較刺激的有障礙挑戰、彈床、彈彈雲、賽車、充氣滾輪、軟墊障礙賽、小體操專區。靜態設施有巨型俄羅斯方塊、巨型層層疊、模擬超市、模擬廚房、磁力片區，圖書區。多款靜態及動態活動，適合唔同性格的小朋友去放電！
地址：大嶼山香港國際機場航天城東路6號 K11 ATELIER 11 SKIES 二座6樓
營業時間：10:00am – 18:30pm
價格：$272起
兒童室內遊樂場｜The Big Thing Playground
The Big Thing Playground是芬蘭式叢林親子遊樂場，以大自然為主題，遊樂場內有不同的遊樂設施及工作坊。遊樂場佔4000呎，有18個遊戲區，比較刺激的設施有火山滑梯、平衡力板、大樹大本營，場地有不少障礙物適合玩捉迷藏。遊樂場適合2-6歲幼稚園兒童去玩，而且有得包場搞生日Party，至於工作坊即使是年紀較大的小朋友去玩都無問題！
地址：荃灣白田壩街45號南豐紗廠2樓205-207
營業時間：10:30am – 18:30pm
價格：$48起
兒童室內遊樂場｜Bouncetopia Kiztopia
Bouncetopia by Kiztopia以彈床為主題，室內佔地8000呎，有很多好玩的彈床設施，例如恐龍激流漂流、旋渦充氣滑梯、波波池探險船、3米滑梯、蕩木鞦韆、攀石墻等，唔少設施可以培養到小朋友的身體平衡力、協調力。除了彈床，亦有超市角色扮演、沙池、棉花糖機等其他靜態遊樂場活動，能夠滿足不同小朋友的興趣。
地址：啟德AIRSIDE 4樓401及422店
營業時間：星期一至五 12:00am – 20:30pm（星期六、日10:00am開始營業）
價格：$128起
兒童室內遊樂場｜ChildLike童心樂園
ChildLike童心樂園場地有8000呎，係香港最大的兒童室內遊樂場之一，適合小朋友放電。遊樂場共有15個玩樂區，常見的玩樂設施有滑梯、波波池、沙池、彈床、Cosplay區等。較特別的玩樂設施包括小船漂流、兒童車仔、迷宮區、MR體感遊戲。除了上面嘅免費設施，還有其他收費設施，例如旋轉木馬、闖關電子射擊遊戲等。
地址：荃灣青山公路荃灣段398號愉景新城L1, 1029-1030
營業時間：11:00am – 19:00pm
價格：$260起
兒童室內遊樂場｜Sooper Yoo
Sooper Yoo遊樂場有較多需要運動的設施，而且偏向科技化，適合4歲至11歲的小朋友。玩樂設施包括一級方程式單車驅動賽車、多層障礙迷宮、井字射球、眼明手快反應遊戲、多款電子益智比拼遊戲，很多設施都很有趣，在遊樂場玩足2個鐘都不會感到悶。
地址：堅尼地城卑路乍街8號西寶城一樓
營業時間：10:00am – 18:45pm
價格：$304起
兒童室內遊樂場｜2Gather
2Gather是近萬呎嘅兒童playhouse，除了玩樂區之外，還有飲食區可以買食物與飲品。遊樂場內有多個玩樂設施，包括旋轉木馬、繩網、彈床、沙池、露營體驗、煮飯仔、駕駛區、海綿池攀石投影區、大型釣魚區，是動靜皆宜的室內兒童遊樂場。每個區域都有特別佈置過，具有不同特，部分玩樂區有大玻璃窗，可以讓自然光照射入屋，小朋友玩落都會精神啲！
地址：沙田石門安群街3號京瑞廣場一期162舗
營業時間：10:30am – 20:30pm
價格：$130起
兒童室內遊樂場｜Kingdom王國樂園
Kingdom王國樂園場地近9000呎，場地寬敞，不論在平日或假日去玩都不會感到擠迫。遊樂場內有10個玩樂區，免費的設施包括充氣跳彈床、兩層繩網障礙滑梯、大型彈床、沙池、超市廚房、牙醫診所cosplay、恐龍專區及閱讀區。而收費設施是恐龍坐騎區，小朋友都非常鐘意！
地址：屯門良運街3號建生商埸2樓
營業時間：11:00am – 17:00pm
價格：$213起
兒童室內遊樂場｜Kids Kids Car
Kids Kids Car室內遊樂場主打兒童電動車，場地共有2萬呎，分為多個遊戲區，除了兒童電動車，還有模擬職業體驗及動態設施，包括充氣彈床、波波池、滑梯等，適合年齡較小的小朋友去玩。在遊樂場內可以玩到多款唔同嘅電動車，例如消防車，蝙蝠俠車，交通警電單車、各類跑車，在不同的電動車場地可以揸到唔同的車款。
地址：尖沙咀廣東道33號中港城UG 30號舖
營業時間：11:00am – 20:00pm
價格：$99起
兒童室內遊樂場｜Happy Theory Playhouse
Happy Theory Playhouse場地有3000呎，有多項刺激體能的設施，適合9歲或以下兒童。場地有7個玩樂區，包括繩網、滑梯、木沙池、爬行通道、攀石墻、模擬超市等，所有設施都有軟墊包圍，不用怕小朋友會撞親受傷！
地址：荃灣海之戀商場3樓3014至3015號舖
營業時間：10:30am – 20:00pm
價格：$208起
兒童室內遊樂場｜MOMOLAND
MOMOLAND係多主題的兒童室內遊樂場，遊樂場內分為春、夏、秋、冬4個遊戲區。在春遊戲區可以玩角色扮演；夏遊戲區有障礙挑戰賽、滑草場、彈床等刺激的設施；秋遊戲區有透明天橋；冬遊戲區有不少興趣班。每個遊戲區都不止咁少玩樂設施，提及到的都是較為受小朋友喜愛的遊樂設施。
地址：將軍澳培成路8號南豐廣場1樓B185-B232
營業時間：11:00am – 20:00pm
價格：$140起
兒童室內遊樂場｜智遊天地E3 Playland
智遊天地E3 Playland超過1萬呎，係開設多年嘅兒童室內遊樂場，近年進行過裝修翻新。場內有很多有趣的設施，有3米魔鬼滑梯、半透明螺旋滑梯、七彩吊橋、透明步道、巨型積木、廚房組合、反斗機關場、迷你超市等等，當中最受小朋友歡迎是斜度很高的魔鬼滑梯，勁刺激好玩！
地址：九龍灣Megabox 12樓1號鋪
開放時間：11:30am – 21:00pm
收費：$200起
兒童室內遊樂場｜Kidstation
Kidstation場地8000呎，除了有超多嘢玩之外，還有大落地玻璃可以收到天然光，看到海景。遊樂場寬敞且人流不多，因此不會感到擠迫，小朋友都玩到唔捨得走。他們提供多元化設施，比較受小朋友歡迎嘅有瘋狂咖啡杯、透明棧道、旋轉滑梯、驚險吊橋、搖搖船、勇者繩網橋、彈彈彈床，至於其他多達10多項設施就等小朋友探索！
地址：荃灣西楊屋道88號 PLAZA 88商場11樓6至9號舖
營業時間：11:00am – 19:30pm
價格：$500起
兒童室內遊樂場｜nobi nobi夢幻樂園
nobi nobi夢幻樂園係日式室內遊樂場，同時係全港第一間有沉浸式劇場的兒童遊樂場，劇場不但劇情有趣，而且具有教育意義，唔少小朋友睇劇場都會坐定定睇到入嗮神。分別在油塘同青衣的遊樂場分店都有不同主題，油塘的星幻地帶係太空主題，整體設施都係圍繞太空設計，在星幻地帶可以玩到繩網、彈床、太空漫步輪、波波池、滑梯等。至於青衣的主題係可愛的青蛙荷花池田園主題，有滑梯、繩網、搖搖馬、星幻通道，而且仲有雪白色波波池。
地址：
油塘高超道38號大本型3樓301&305號舖
青衣青敬路31-33號青衣城1期1樓129-130
營業時間：10:00am – 21:00pm
價格：$117起
常見問題
睇完咁多個適合兒童的室內遊樂場之後，可能仲會有其他疑惑。以下係關於兒童室內遊樂場的常見問題以及相應作出的解答。
兒童室內遊樂場有咩玩？
通常會有波波池、滑梯、繩網、沙池、彈床。而特別少少會有唔同類型嘅車仔、障礙挑戰、迷宮等等，唔少兒童室內遊樂場都會有獨家嘅設施，係其他室內遊樂場無嘅設施。
兒童室內遊樂場落雨會開放嗎？
大多數兒童室內遊樂場都會在紅雨、黑雨、8號風球時暫停營業，並且幫你更改門票日期，或者以其他方式補償。
總結
相信看完tripezly推介的兒童室內遊樂場，總有一間適合你的小朋友，在平日及假日一起去遊樂場增進親子感情！小朋友平時除了可以去室內遊樂場之外，其實家長還可以帶小朋友去搭纜車、玩親子工作坊、參觀農莊，至於更多好去處，記得留意我們親子好去處的更新！
