文章最後更新於 2023-12-01
採耳雖然比起其他按摩唔算太流行，不過都越嚟越多人嘗試採耳，但到底點解要採耳，採耳價格一般又係幾多呢？今日我哋就幫你搵出13間價格相對便宜，又有高採耳質素嘅專業香港採耳店、採耳師，等大家可以搵出適合自己嘅採耳師、採耳店。
採耳絕對唔能夠馬虎！一個唔小心就可能採壞對耳，真係可大可小！所以採耳記得要搵專業、有經驗嘅採耳專門店，咁先可以採得放心又乾淨。
耳.詩採耳
去到耳.詩採耳工作室，可以先咨詢採耳師到底自己適唔適合採耳，採耳師會根據客人情況而提供專業採耳意見。採耳過程中，採耳師仲會同你解釋點解耳仔會出現某啲問題。去到嗰度採耳，可以感受到佢哋係有熱誠，希望可以幫助到客人解決耳仔問題。耳.詩採耳工作室嘅採耳療程分為4款，療程時間越長，可以享受到嘅採耳內容亦越多。
4款採耳療程嘅差別在於：
- 小酥麻專業採耳：全程30分鐘，採耳包括耳道檢查及清潔、耳穴耳道放鬆、耳廓按摩、ASMR舒壓
- 耳浴及小酥麻採耳：全程45分鐘，包括耳浴、小酥麻專業採耳療程
- 古法採耳：60分鐘療程，包含眼部熱敷、精油肩頸按摩、頭療、耳浴、小酥麻專業採耳療程
- 耳燭及古法採耳：75分鐘療程，包含耳燭熏香舒壓、以上所有採耳療程內容
地址：觀塘成業街成運工業大廈4樓The I office 4215室
開放時間：全星期 11:00am – 9:00pm
收費：$308、$358、$458、$558
Black Hulk Ear採耳專門店
Black Hulk Ear採耳專門店採耳時嘅燈光柔和，環境舒適，可以睇得出店內設計有花過心思。採耳師幫客人採耳之前，會進行三重消毒及清潔採耳工具，務求客人採得放心又衛生。Black Hulk Ear採耳專門店同時提供台式、日式嘅採耳療程。採耳療程分為3種，分別係基本、進階、完滿療程。3種療程都會提供採耳服務。而3個療程差別在於：
基本療程：採耳療程、頭部按摩
進階療程：採耳療程、耳燭及肩頸按摩
完滿療程：採耳療程、耳燭、肩頸按摩及日本眼部按摩
地址：觀塘怡生工業中心C座4樓c座27室
開放時間：全星期 10:00am – 9:00pm
收費：$323、$415、$500
除咗採耳之外，仲有咩方法可以令自己放鬆神經，改善睡眠？香港人其中一項最鐘意嘅活動就係去按摩啦！按摩分好多種，而近年最熱門嘅就係泰式按摩，泰式按摩結合了穴位按摩、瑜伽姿勢，用唔同按摩方法達到全身放鬆，想按摩又或者鐘意按摩嘅一定要試一試。
垢時
垢時，店鋪採用香港舊時的風格裝潢，採耳服務由專業採耳師及按摩師共同主理。垢時除咗提供60分鐘的採耳服務之外，亦提供長達80分鐘及雙人同行各100分鐘嘅多元放鬆服務，例如耳燭去濕、面部磁叉及精油配合助通淋巴、頭肩頸按摩、熱敷眼膜等服務，都可以為你去除生活中的疲勞。
地址：荃灣柴灣角街83-93號 榮興工業大廈19樓13室
開放時間：星期二至星期日 11:00am – 10:00pm
收費：$333
小丘 Mount Massage
小丘 Mount Massage環境明亮，設有單人、雙人、三人房，無論係單人去定係同家人朋友去都非常適合。小丘 Mount Massage提供最短50分鐘嘅採耳組合，服務包括檢查耳朵、放鬆神經、台式採耳、專業耳浴、耳穴按摩。而最長有90分鐘的皇牌採耳組合，除咗包含以上嘅服務之外，另外仲可以享受到耳燭、頸部淋巴按摩、面部玉石撥筋。採耳期間仲有養生甜點、湯水及熱茶可以享用，務求達到極致嘅享受、放鬆體驗！
地址：九龍城福佬村道27號地下
開放時間：星期一至星期日 11:00am – 11:00pm
收費：$372
Mimikaki 採耳專門店
Mimikaki採耳專門店至今服務數千人，亦曾接受過多間媒體報道，是專業採耳、品質的保證。Mimikaki 採耳專門店為客人採耳之前，所有工具設備都會使用醫學酒精清潔消毒，再以UV裝置為工具消毒殺菌，並且使用一次性床墊，務求令客人及採耳師能夠在最乾淨衛生的環境下進行專業採耳及耳部護理。Mimikaki 採耳專門店提供最短40分鐘的採耳療程，而最長為50分鐘的全套耳部護理，不僅可以進行採耳，仲可以享受耳部穴位按摩、頭部按摩等。
地址：旺角山東街48號 SOLO 3樓362室
開放時間：星期一至星期日 10:00am – 9:30pm
收費：$380
採完耳之後都仲覺得唔夠放鬆，仲想嚟個小小嘅放鬆行程？腳底按摩會係一個唔錯嘅選擇，腳底按摩相比全身按摩時間較短，可以配合自己嘅時間行程作出彈性嘅預約，更加適合平時行程緊湊嘅香港人！
悅耳Yu Ear Spa
悅耳Yu Ear Spa的環境古色古香，具有中式古風風格。悅耳採用傳統中式採耳手法，提供時長最短為50分鐘的專業採耳療程，在這50分鐘內可以享受耳頰放鬆、專業採耳、耳道清潔、酥麻撞轉毛、耳震舒壓。而最長有80分鐘的專業採耳療程，除了有以上的採耳服務之外，仲可以享受到耳燭療程。每一位採耳師都經過專業培訓，讓客人可以在採耳師的細心呵護耳朵之下安全地進行採耳，進行身心的放鬆。
地址：觀塘成業街16號怡生工業中心D座1樓30室
開放時間：星期一至星期日 11:00am – 11:00pm
收費：$383
Hears HK
Hears HK係亞洲專業採耳協會旗下唯一採耳及自然療癒服務店，採耳師都有專業牌照，清楚知道耳蝸的結構並可以為客人解說。Hears HK嘅採耳服務的專業度毋庸置疑是一定足夠的。客人可以在Hears HK模仿自然的環境下享受專業採耳師的服務，透過採耳師慢慢引導，進而達到最放鬆自在的狀態。Hears HK最短的採耳服務為60分鐘，最長為120分鐘，採耳療程內容相當豐富，令人可以在繁忙鬧市中享受一刻的寧靜療愈。
地址：銅鑼灣糖街15-23號銅鑼灣中心15樓1503-10室
開放時間：星期二至星期五 11:00am – 10:00pm
收費：$384
抒心採耳工作室
抒心採耳工作室在多區都設有分店。抒心採耳工作室有多名採耳師，採用川式採耳手法。抒心採耳工作室提供多款採耳組合療程，分別為45分鐘、75分鐘、100分鐘。當中又分為幾種服務內容，方便顧客可以根據自己的需求選擇最合適自己的採耳服務療程。
地址：
上環永樂街12號永昇商業中心21樓A室
觀塘巧明街116號萬年工業大廈2樓D3
旺角西洋菜南街180號2樓B6舖
開放時間：星期一至星期日 11:00am – 9:00pm
收費：$384
Bellosss Beauty
Bellosss Beauty專業採耳店，混合咗川式和台式的採耳手法。採耳師會定期進行不同的採耳培訓，令客人可以享受到唔同嘅採耳體驗。Bellosss Beauty提供60分鐘及90分鐘嘅單人採耳療程，60分鐘內可以享受耳道清潔、耳浴、耳穴按摩，而90分鐘則可以享受埋耳燭放鬆，淋巴按摩、頭部按摩。而最特別要一提嘅係Bellosss Beauty的2人同行採耳療程，服務時長最短100分鐘，最長足足180分鐘！而2人同行價格比起單人更加抵玩，比起一個人去採耳，更加推薦嘗試佢哋嘅2人同行採耳服務。
地址：荔枝角嘉名工廠大廈E座7樓
開放時間：星期一至星期日 9:00am – 10:00pm
收費：$420
澄耳Limpid Ear
澄耳Limpid Ear香港採耳店提供專業採耳、耳燭排毒、精油撥筋等多種服務。在澄耳Limpid Ear的柔和燈光環境，配合輕鬆音樂之下享受到雙耳專業採耳服務、耳部清潔保養，包括清黑頭粉刺，仲有轉毛放鬆、耳穴按摩、耳燭排毒、頭部按摩、面部撥筋、磁叉頭肩頸放鬆等一系列頭部放鬆、保養清潔療程。療程分為60分鐘及110分鐘，客人可以配合自己嘅生活行程，選擇一次性做完成個療程又或者分4次療程做。
地址：荔枝角福至工業大廈11樓
開放時間：星期一至星期日 10:45am – 8:30pm
收費：$445
85Ear Spa
85Ear Spa係一間日式採耳專門店，採耳師嘅採耳服務經驗豐富、技巧柔和之外，亦使用獨立包裝嘅毛棒工具，乾淨又衛生。喺85Ear Spa你可以享受到一小時左右嘅專業採耳護理、耳燭護理、磁叉穴位按摩。而家2人同行仲有優惠添！
地址：元朗宏業南街22號虹方8樓05室
開放時間：星期一至星期日 10:00am – 10:00pm
收費：$540
E’s Relax 輕·耳目浴採耳專門店
E’s Relax輕·耳目浴採耳專門店環境寧靜、燈光柔和，而且店內注重乾淨衛生。E’s Relax提供35分鐘及90分鐘嘅採耳護理療程。35分鐘嘅採耳療程服務內容包括耳燭、眼部穴位按摩、頭肩頸按摩。對於希望可以清潔耳道嘅客人嚟講，90分鐘嘅療程更加適合，服務包括耳道檢查、專業採耳、耳浴、耳頭肩頸按摩、耳燭等等，而且按摩時有幾款精油可以選擇。如果覺得90分鐘太耐，一次過做唔完嘅話，可以選擇分3次做，咁就可以慢慢享受採耳療程啦！
地址：元朗宏業南街22號虹方9樓902室
開放時間：星期一至星期日 10:00am – 10:00pm
收費：$709
Ears.relax 採耳工作室
位於觀塘嘅Ears.relax採耳工作室提供一系列一對一台式、日式採耳服務，令你可以全面放鬆神經、減壓。Ears.relax採耳工作室提供嘅採耳服務最短為45分鐘、最長為80分鐘。開始採耳之前，採耳師會詢問客人想達到嘅採耳效果以及耳朵狀況，之後再進行採耳服務。採耳流程包括檢查雙耳、放鬆神經、採耳、耳穴舒壓，做完一套採耳服務流程再有剩餘時間嘅話，會再額外進行頭部按摩，令人更加舒壓。雖然房間唔算太大，但無論係乾性或油性耳朵都可以得到合適的採耳療程。
地址：觀塘巧明街116號萬年工業大廈6樓B02室
開放時間：星期一至星期五及星期日 1:00pm – 8:00pm
收費：$300
採耳常見問題
採耳是什麼？
採耳，一般人會認為係撩耳屎，其實咁講都冇錯。但現代採耳逐漸成熟，採耳師大多會用專業採耳工具配合日式、泰式、中式、川式等採耳手法為客人採耳。除咗進行耳道清潔，仲會利用各種工具刺激耳道，例如轉動羽毛令客人感到酥麻，達到顱內高潮，從而減壓。
採耳有什麼好處？
第一，採耳可以清潔耳道，減少耳朵痕癢感。第二，採耳可以促進睡眠，因為採耳過程中會對耳部穴位進行按摩，亦有機會進行頭部按摩進行放鬆。第三，採耳可以預防耳朵結石，避免耳垢太多塞住耳朵而導致聽力下降。最後，採耳當然係可以放鬆、舒壓，採耳過程中除咗有按摩之外，都會有ASMR、轉毛減壓等。
